هدية لكل من يحب بطنه ...

من طرف **وجيه** الثلاثاء يناير 31, 2012 2:10 am

يبرق مع العصاعيص يا حبي..
تحتك دهن شرحــــات متخبي..

والتوم داب وانسـاب واتسوسح
والريحة آاخ , ولي على قلبي..

والزفرة عم تلمع على خــدودك
اي أبوس روحك قولــة الحلبي..

والمرقة عم تنضح بحامضهــا
وعم تفوح الريحه على عصبي..

وكم يبرقاية اتفزرّت واتسقسقت
وانبحتت الرزات على دربــــي..

يا يبرق الأحرار كرمــــالـك أنا
بفخر بكوني مواطنٌ عربــــــي..

جاي عبالي قول: أنـــــا بحبك
بكل اللغات الشرقي والغربي..

ياالله استوي وحققلي أحلامي
قد ساف قلبي في لظى اللهبِ..

لقد استوى يا فرحتي وسـعدي
ياعمري يا أنسي وَ يـا طربي..

هاتـــوا الخبز والطنـجرة كلهــــا
وبعدولي مــــــــا بدي حدا جنبي..

لا أخي ،، لا أختي لا جدي لا ســـــتي
لا عمي لا عمتي لك لا أمي لا أبي..

عم أمضغ العصعوص واليبرق سوا
شو هالنعيم هــــادا يــــاربـــي..