ابو العبد

من طرف وردة الثلاثاء يونيو 28, 2011 8:00 pm

سافر مرة ابوالعبد على اسبانيا زيارة لعند رفيقو

ويا محاسن الصدف كانت وقت المباريات النهائية لمصارعة الثيران

راح ابوالعبد ورفيقو وحضرو المباراة

نزل بهديك المباراة ثور اسود شرس كتير
نزلو الماتادور المصنف اول عالميا

وقرنين من الثور وكان عالنقالة
ولحقو الثاني عالجمهور والثالت والرابع...
وهيك لحتى ماظل ماتادور يسترجي ينزلو لها الثور
قامت اللجنة المنظمة للبطولة ومنشان تزيد الحماس
اعلنت عن جائزة قدرها مليون دولار لاي متطوع شجاع من الجمهور بينزل وبيدبح الثور
طبعا صديقنا ابو العبد قاعد مثل الاطرش بالزفة بس صاحبو صار يترجملو

ووقت سمع بالمليون دولار ماعاد يشوف قدامو
قال: ياأنا يالثور....نازلو للثور!
رد عليه صاحبو: لك شو مجنون انته ماشفت شو صار بالمصارعين
رد عليه: باطل..... على الكلام العاطل
هلأ بفرجيك شو رح ساوي بالثور ما بيلقى من تحت ايدي لوحتين وخبطة
طبعا المصاري عمتو لصاحبنا
المهم نزل واعلنو اسمو بالاذاعة
Abo AlAbed

اول ماصار جوا الحلبة ركض الثور لعندو
وابو العبد يركض
والثور يركض
وابو العبد يركض
والثور وراه
وفجأة

اتزحلق الثور
ضرب بريك ابوالعبد ورجعلو
وطالع الخنجر ونحرو من الوريد للوريد
.............................
بدأت الاحتفالات وابو العبد توج بطل واستلم شيك المليون دولار
وهنه العالم ملمومين حواليه
اجت لعندو صحفية اسبانية وقالتلو

انا بعرف اهكي شوية اربي مهلش (احكي شوية عربي معليش) اذا سألتك كم سؤال
قلها: تفضلي نحنا خدامين الحلوييين (وهو عم يفتل شواربو طبعا)
قالتلو: ما هذه الشجاعة يعني انا لو كنت مهلك (محلك) كنت عملتها تحتي
رد ابوالعبد وبكل ثقة (وهو عم يفتل شواربو كمان) :
لكان كيف اتزحلق الثووووور ؟؟؟؟؟!!!!! affraid