الزوجة الأولى والثانية ............

من طرف **وجيه** الخميس سبتمبر 15, 2011 11:02 am

ليه الزوج مبيعرفش قيمه مراته الا لما يتجوز عليها فيعرف قد ايه مراته الاولى كانت جوهره قيمه لا تقدر السعاده معها بثمن ؟؟؟؟
وليه الزوجه مبتعرفش قيمه زوجها الا لما تتطلق منه وتتجوز واحد تانى فتعانى الامرين وتتذكر الايام الاولى فتندم وتتحسر ؟؟؟؟
وليه الابن مبيعرفش قيمه ابوه وامه الا لما بيموتوا ويعيش بعقده عقوقهم
طول عمره بس للاسف بيموتوا من غير مايسمحوه ويعيش بعقده الذنب حياته
كلها؟؟؟
وليه الزوج مبيعرفش قد ايه مراته غاليه عليه وبيحبها وقد ايه
هو فى نعمه وفضل الا لما بيخون مراته ومراته بتعرف بالخيانه وساعتها بيكون
هاين عليه يبوس رجليها عشان تسامحه طيب خنتها ليه من الاول وسمحت للشيطان
يلعب بيك ويتغلب عليك
والزوجه اللى عايزه زوجها يسافر عشان يحسن من
مستوى معيشتهم ومتعرفش قيمته الا لما يسيب لها المسؤليه ويسافر وتتمنى
زوجها يرجع وتعيش معاه فى الدفا وتاكل عيش حاف احسن من احساس السقيع وهى
معها كنوز الدنيا كلها ؟؟
ليه مبنعرفش قيمه الحاجه الا لما بتروح مننا ؟
ليه مش بنحافظ على نعم ربنا علينا ونشكره عليها (وان شكرتم لاذيدنكم)
هل هى طبيعه بشريه فى كل البشر ؟
وللاسف بنعرف قيمه الحاجه بعد فوات الاوان وبيبقى استحاله نرجعها تانى
فلا تترد فى ان تقول للذين تحبهم بأنك تحبهم قبل ان تمضى سفينه الحياه وتعيش نادما