ساندويتش المفاجآت

ساندويتش المفاجآت

العجينة:
3/4 كيلو دقيق
1 كوب ماء دافي + 2 ملعقة خميرة صغيره + 1 ملعقة سكر(مع بعض و سبيهم يتخمر)
4 ملاعق زيت
ملح
بيض+ فلفل اسود للوجه
الحشو:
سلامي ـ جبنه شيدر ـ طماطم ـ بصل ـ فلفل رومي ـ زيتون ( كله مقطع ترنشات )
سمسم للوجه
الطريقة
نحط مقدار الخميرة + الدقيق + الملح + الزيت و نعجن 10 أو لغاية ما تبقي عجينه ملمومة و مش بتلزق
سبيها تتخمر لمده ساعة و تبقي بالشكل ده (امسحي أيديك بزيت واعمليها كور فوق بعض قبل ما تتخمر )
خدي جزء لا بأس به من العجينة و افرديها مستطيل (ممكن تحتاجي دقيق ساعة الفرد)
في النص رصي الحشو بالترتيب ده ( جبنه ـ فلفل ـ سلامي ـ بصل ـ طماطم ـ زيتون ـ جبنه)
قطعي العجينة في الجوانب بالورب
حطي عجينه عجينه علي بعض زي الضفيرة علشان تقفلي الساندويتش
ادهني الصينية بالزيت و حطي الساندويتشات و ادهني الوجه بخليط البيض و لو عندك سمسم رشي عليه
دخليه الفرن لغاية ما تستوي أو الوش يحمر
وبالهنا والعافية