روائع الرباعيات

من طرف **DREAM MAN** السبت مارس 06, 2010 1:57 am

روائع الرباعيات

روائع شعر العاميه المصريه
رباعيات الشاعر المصرى –احمد الهمامى
صــــــــحفي وكــان ماسك بإيديه أقــوى ســـــلاح
وكان نشــــــــانجي وبيعرف يوجه القاضيه بنجاح
من غـــــــــــــــير ولا تجــــــــــريح ولا كــلام أبيح
اقروا الفاتحه لمجدي مهنا وادعوا يكون مرتــاح
وآه
* * *
أمـــــــِّن حدودك يا عــــــــــــربي مـــن كـــــل جانـب
ومـــــــــــــــد إيدك لـ إيد أخــــوك مش للأجــــــــانب
طـــــــــول عمرهم أرضك وثرواتك مطـمع للجــميع
وانــت عارف عِين العدو بتدور عاللي يجيب أرانب
وآه
* * *
جـــــــــــالك أوان ووقفت وشفت نفســك في الـــــمرايا
من غير رتوش أو صبغه سودا م اللي بيـداروا الخبايا
دلــــــــــــــــــــــوقتي شـــــــــــايف نفسـك مين في دول
اللـــــــي خايف م الوداع والا اللي مشـغول بالصــبايا
وآه
* * *
سمـــــــــعت بنــــت في جنــــــــــيـنه بتقـول لواد
إنــــــــــت الوحـيد اللي مـلكت الـــــروح والفؤاد
5 دقــــــــــايق وكل واحــد منهم قـام راح لحاله
5 دقايق وسمعـتها بتقول لغيره متنساش المعاد
وآه
* * *
أمــــانه عليك توصفه يا اللي انــت شفت الموت
وتقولي إيش ده يكون ووشوشني من غير صوت
أصــــل كل الناس هنا بتخاف قوي من دا الكـلام
مع إنــــــــه مكتوب ع الجميع ولـه معاد مظبوط
وآه
* * *
مع إن كـــــــــل الناس في الأصل مرغمين
وليهم حدود وكله بيبتدي وبينتهي في الطين
لكني لمـــــــا اتأملتهم ســـاعه لقيت العجب
الناس جــميعا بحالهم وبعشيتهم مبســوطين
وآه
* * *
حـــــــاجات كتير جوا منـي متكــركبه
وكأنــــها خلف خلاف وفقلبي متركبه
مـــــمكن في لحظه تنفك وتقع تنكـسر
أو ممــــكن تعيش وتبقى زيي متعذبه
وآه
* * *

رباعيات رائعه

رباعيات جميله و الاسلوب جديد

رباعيات الشاعر المصرى –احمد الهمامى

رقـــــاصه ورقصها على كل شكل ولـــون
شرقي وغــربي وكل نوع وله دايما زبون
الــــــــــــلي يحب الهز بينـــــــقط بالفلوس
واللـــي يحبه الهز يبقى السعيد في الكون
وآه

* * *

شاعر وشـعري حر
كــــلامي حلو ومــر
أوقــات بقـول الـحق
وأوقـات بخاف وأهر
وآه

* * *

يا الـلي انت عايش بس لجــل ما تلاقي الحقيقه
وبتــدور هــــــنا وهناك وقايده جــواك الحـريقه
بــــــص شـــــــــــــــوف انظــر تأنى خــد بـــالك
هتـــلقى الدنيا عبث وما تسوى من وقتك دقيقه
وآه

* * *

لــــــــولا الورود ليها شوك أنا كنت بقيت خـــولي
وأزرع بإيدي الفل والنرجس وأحصد زهور لـولي
ما هـــــــــو كـــل شيء لازماًَ وحتماًَ يبقى فيـه إنَّ
مع إن إنَّ وأخـــواتها صحابي وعمرهم ما قالولي
وآه

* * *

طـــــال انتظاري للأمــــل والأمـل كـداب
وكأنه متحرم عليا أو بيني وبينه حجاب
مشيـت طريق في بدايته ونهـايته شـوك
وآخــر المـنابه مارجعتش غير بالعـذاب
وآه

* * *

ســــــــــاعات كتير بيحـــل عــــني الملل
والدم يجري في عروقي وأطيب م الشلل
وأصـــــــــــبح عفي وكــــأني ثور هــايج
ولما اثـــــور ثانيتين أرجع مليان بالعلل
وآه

* * *

أنا شــــــــاب أيوه لكن تشوفني تقول عـجوز
نضاره كوبايــه في عنيا ومراخيري قد الكوز
وشــــــــــــــعري لــــون التلج وعــــنيا دبلانه
أنا عـــــمري 20 سنه بجد ولا أنا مهــــزوز
وآه

* * *

أوقــــات كتيره بـحس بالإحــــباط
وأبص الاقي سكتي كلها مـطبـات
أعــــــدي نقره أقـــــع في دحـديره
ولو قلت آه بينطلب مني الســكات
وآه