♥ 10 نصائح للتمتع بأسلوب حياة صحي

من طرف **وجيه** الإثنين أكتوبر 03, 2011 7:50 pm

♥
10 نصائح
للتمتع بأسلوب حياة صحي

1- الفطار..
وجبة لا يمكن إهمالها

الفطار هو الوجبة الأولى
اللي بتمد الجسم بالطاقة اللي بنحتاجها
علشان كده لازم تبقى وجبة صحية ومتوازنة؛
الأفضل إننا ناخد وجبة الفطار
بدري أول ما نصحى من النوم.

2- التنوّع في الأكل..

لازم نحاول دايماً إننا نجدد
في نوع الأغذية اللي بنحصل
عليها خلال اليوم،

3- تسوّق
وفق خطة معينة

اكتب قائمة بالمشتريات اللي إنت محتاج لها
قبل ما تنزل تتسوق،
وحاول على قد ما تقدر إنك تلتزم بالقائمة دي،
وماتشتريش حاجات أكتر منها،
وتجنّب تماماً إنك تتسوق وإنت جعان؛
لأنك أكيد هتشتري حاجات
مالهاش لازمة لمجرد إحساسك بالجوع.

4- الاهتمام بشرب الميه..
الميه بتمثل 2/ 3 وزن جسم الإنسان،
علشان كده مش لازم ننسى إننا
نهتم بتناول كميات كبيرة من الميه والعصاير
الفريش أثناء اليوم،
علشان نحافظ على صحة جسمنا

5- البروتين والكربوهيدرات..
للتقليل من الإحساس بالجوع

الجمع بين الأكلات اللي بتحتوي على بروتينات وكربوهيدرات بنسب معينة، بيمد الجسم بالكمية
اللي بيحتاجها من الطاقة؛
لأن الجسم بيحوّل المواد دي ببطء إلى جلوكوز،
وده بيقلل نسبة إفراز الإنسولين،
وبالتالي بيقلل من قدرة الجسم
على تخزين الأكل على صورة دهون.

7- الرياضة..

لا علاقة لها بالحب والكره؛
فسواء كنت تحب ممارسة الرياضة أم لا؛
فالتمتع باسلوب حياه صحي
لازم تكمله بممارسة بعض التمارين الرياضية،

8- خذ وقتك في كل وجبة

أخذ الوقت الكافي في تناول الطعام،
مش بس مفيد لصحة المعدة والجهاز الهضمي؛
ولكنه أيضاً يتيح للجسم الفرصة للإحساس بالشبع والامتلاء.

فالدراسات تقول:
إن الجسم يحتاج لحوالي 20 دقيقة،
قبل أن يبدأ في الشعور بالرضا والشبع؛
لذلك تأكّد دائماً أنك تأخذ وقتاً كافياً في تناول كل وجبة.

9- تجنب تناول الطعام
في ساعات متأخرة من الليل

بكده السعرات الحرارية اللي بيحصل عليها الجسم
مش بتتحرق وبتتحول
لدهون تتخزّن في الجسم.

10- قلّل من السكريات..
بالتدريج

حاول على قد ما تقدر تقلل من تناول الحلويات
والأطعمة اللي فيها نسبة سكريات كبيرة،
وأحسن طريقة هي إنك تقلل كمية السكريات في أكلك تدريجياً، وتبدأ تراعي
نسبة السكر اللي بتحصل عليها خلال اليوم وتكون حذر جداً للمكونات اللي
بتاكلها خلال اليوم، ومع الوقت هتلاحظ إن رغبتك في تناول السكريات
والحلويات قلّت جداً.

ولازم تعرف كويس إن تقليل السكر،
مش مفيد بس لتقليل الوزن؛ ولكنه مفيد للصحة بشكل عام، وكمان علشان تحافظ على أسنانك من التسوّس.